Спачувальная тэлеграма Папы з прычыны смерці кардынала Мазомбве
Папа Францішак выказаў
свае спачуванні ў сувязі са смерцю замбійскага кардынала Медардо Джозэфа Мазомбве,
які памёр 29 жніўня ва ўзросце 81- го года. У тэлеграме на імя арцыбіскупа Лусакі
Джорджа Мпунду Папа сцвярджае, што “з вялікім смуткам прыняў паведамленне аб смерці”
іерарха, які быў арцыбіскупам Лусакі на пенсіі. Пантыфік з удзячнасцю ўспамінае нястомныя
намаганні памерлага кардынала “у распаўсюджванні Евангелля ў Афрыцы” як таксама яго
“бесперапынную працу на карысць бедных”. Святы Айцец выказаў сваю блізкасць духавенству
і вернікам дыяцэзіі, а таксама родным. Ён запэўніў аб сваёй малітве за памершага іерарха.
Медардо Джозэф Мазомбве нарадзіўся ў 1931 г. Святарскае пасвячэнне атрымаў
у 1960 г. Займаў важныя пасады ў епіскапаце Замбіі. Некалькі разоў быў старшынёй епіскапата
краіны. Біскупскую сакру атрымаў у 1970 г. У 1979-1986 гг. быў старшынёй Асацыяцыі
Біскупскіх Канферэнцый Усходняй Афрыкі. У 2010 г. папа Бэнэдыкт ХVI далучыў Медардо
Джозэфа Мазомбве да Калегіі Кардыналаў. Такім чынам ён стаў першым кардыналам з Замбіі
Пасля
смерці Медардо Джозэфа Мазомбве ў Калегію Кардыналаў уваходзіць 201 член, з якіх 112
не дасягнулі яшчэ 80-гадовага ўзроста.