E diel 1 shtator, Kisha katolike kremton të dielën e 22-të gjatë vitit kishtar.
Gjithnjë më 1 shtator kalendari përkujton edhe shën Egjidin, abat; shën Viktorin;
shën Sikstin e shën Jozuhen. Të hënën më 2 shtator, sipas kalendarit kishtar
bie përkujtimi i shën Albertit e Vitit; shën Zenonit, martir i Nikomedisë. Të
martën më 3 shtator, përkujtimi i shën Gregorit të Madh, papë e doktor i Kishës.
E mërkurën më 4 shtator, kalendari kishtar kujton shën Bonifacin I, papë,
shën Rozen e Viterbos, virgjër, shën Marinin, oshënar e shën Mosiun, profet e ligjdhënës. E
enjten më 5 shtator, kalendari kishtar kujton të Lumen Nënë Terezën, Gonxhe Bojaxhiun,
themeluesen e Misionareve të dashurisë, bijën e motrën shqiptare, Nënën e Engjëllin
e të varfërve. Sivjet, më 5 shtator, përkujtojmë 16 vjetorin e vdekjes së Nënë
Terezës. E ky përvjetor e festë liturgjike do të kremtohet në të gjitha Kishat
në trevat shqiptare e në mbarë botës, me kujtimin përherë të gjallë të mesazhit që
e Lumja Nënë Terezë, Gonxhe Bojaxhiu u la besimtarëve e të gjithë njerëzve vullnet
mirë: ta duam Zotin mbi çdo gjë e të afërmin porsi vetveten. Gjithnjë më 5 shtator
kalendari shënon edhe kujtimin e shën Erkolanit e Taurinit, martirë. Të premten
më 6 shtator kalendari kishtar përkujton shën Zakarinë profet, shën Onesiforin,
dishepull i shën Palit Apostull. . Po kujtojmë se e premtja e ardhshme është e premtja
e parë e muajit, që besimtarët e krishterë ia kushtojnë në mënyrë të posaçme adhurimit
të Zemrës së Krishtit. Të shtunën më 7 shtator, sipas kalendarit kishtar
përkujtohet shën Regjina, virgjër e martire dhe shën Guidon, ipeshkëv të Arecos. Gjithnjë
të shtunën e ardhshme, kujtojmë se bie shtuna e parë e muajit shtator e besimtarët
katolikë këtë ditë ia kushtojnë posaçërisht lutjeve e nderimit të Zemrës së Zojës
së Bekuar, Virgjërës Mari. Të dielën e ardhshme me 8 shtator, Kisha katolike
do të kremtojë të dielën e 23-të gjatë vitit kishtar. Gjithnjë më 8 shtator
Kisha kremton edhe festën e të Lindurit të Virgjërës Mari, Zojës së Papërlyer. Zoti
ka vënë në të burimet e jetës, është e zgjedhura mbi të gjitha gratë. Papa Benedikti
XVI në takimin me të rinjtë në Loreto më 2010 ndër të tjera pohoi: Jezu Krishti është
mishëruar në kraharorin virgjëror të një vajze, në një vend të vogël të Galilesë;
është lindur në Betlehem, në një vend të thjeshtë të Judesë, e në shtëpinë e varfër
të Nazaretit është rritur duke vënë themelet e misionit shpëtimtar. Gjithnjë më 8
shtator, kalendari kishtar kujton edhe shën Sergjin I, papë.