31 Օգոստոսէն 3 Սեպտեմբեր Գասդել Կանտոլֆոյի Քահանայապետական Ամարանոցը Կը Հիւրընկալէ ''Ռացիկերի Սաներ'' Պենետիկտոս ԺԶ-ի Նախկին Աշակերտներու Տարեկան Հանդիպումը։

''Աստուած ու աշխարհականացումը''
Ռացիկերի նախկին աշակերտները, 31 օգոստոսէն մինչեւ 3 սեպտեմբեր կը կատարեն իրենց տարեկան 38-րդ հանդիպումը Գասթել Կոնտոլֆոյի Քահանայապետական ամարանոցին մէջ ունենալով որպէս խորհրդածութեան նիւթ, ֆրանսացի իմաստասէր Ռեմի Պրակի փիլիսոփաեական տեսութիւնը ''Աստուած ու աշխարհականացումը'' ։
Յայտնենք որ տարեկան այս հանդիպումները Ռացինկերի ու անոր երբեմնի ուսանողներու միջեւ սկսած է 1970 թուականին, երբ ան կը դասախօսէր Ռադիզպոնի համալսարանին մէջ։ Ռացինկերի նախաձեռնութեամբ հանդիպումը տարին անգամ մը կը կատարուի մէկ շաբաթ տեւողութեամբ, որուն ընթացքին մասնակիցները օրական մէկ նիւթ մը կը շօշափեն, միասին կ'աղօթեն ու միասնաբար կ'ապրին ուրախ մթնոլորտի մէջ։
Ռացինկերի Քահանայապետ ընտրուելէն ասդին` 2005 թուականէն ''Ռացինկեր Սաներ'' խումբը շարունակեց իր հանդիպումները կատարել քահանայապետական ամարանոցէն ներս։ Այս տարի սակայն Պենետիկտոս 16-րդ վաստակաւոր Քահանայապետը հանդիպումին պիտի չմասնակցի։