Папа Францішак высока
ацаніў ініцыятыву Каталіцкага Касцёла ў Паўднёвай Карэі, дзе на працягу верасня будуць
разважаць аб каштоўным укладзе і прыкладзе мучанікаў за веру. “Месяц мучанікаў” быў
абвешчаны арцыбіскупам Сеўла Ём Су Чжунам. У яго рамках адбудзецца шэраг пілігрымак
да санктуарыяў, асвечаных крывёй хрысціян. У спецыяльным паведамленні, скіраваным
ад імя кардынала Дзяржакратар Тарчызіо Бэртонэ, Папа пажадаў, каб усе ўдзельнікі гэтых
мерапрыемстваў “падтрыманыя малітвай і прыкладам мучанікам, маглі паглыбіць сваё адзінства
з Езусам Хрыстом, які аддаў жыццё, каб і мы маглі раздзяліць бесцэнны дар жыцця”.
Святы Айцец моліцца за тое, каб ініцыятывы ў рамках “Месяца мучанікаў”, сталі нагодай
для абнаўлення веры і стымулам да больш актыўнага ўдзелу ў евангелізацыі.