Праблему мірнага вырашэння
сірыйскага крызісу папа Францішак абмеркаваў 29 жніўня з каралём Іарданіі Абдалой
Ібн Хусэйнам. Манарх быў прыняты Святым Айцом на аўдыенцыі ў Апостальскім палацы Ватыкана.
Затым ён сустрэўся з кардыналам Дзяржсакратаром Тарчызіо Бэртонэ. Падчас дыскусіі
былі абмеркаваны некаторыя пытанні, якія ўяўляюць агульны інтэрэс для абодвух бакоў.
У першую чаргу звярталася ўвага на праблему міра і стабільнасці на Блізкім Усходзе,
аднаўлення дыялога паміж ізраіліцянамі і палестынцамі, а таксама абмяркоўвалася пытанне
аб статусе Іерусаліма. Гаворачы пра трагічную сітуацыю ў Сірыі бакі пагадзіліся, што
дыялог і перамовы паміж усімі кампанентамі сірыйскага грамадства, пры падтрымцы міжнароднай
супольнасці – гэта адзіны шлях да заканчэння канфлікта і спынення насілля, якое штодзённа
прыводзіць да шматлікіх чалавечых ахвяраў, асабліва сярод мірнага насельніцтва.
Падчас
сустрэчы быў высока ацэнены ўклад караля Абдалы ў сферу міжрэлігійнага дыялога, а
таксама яго ініцыятыва па скліканні ў Амане, на пачатку верасня, канферэнцыі прысвечанай
выклікам, на якія хрысціяне павінны адказаць на Блізкім Усходзе, асабліва ў перыяд
буйных сацыяльна-палітычных зменаў. З іншага боку, быў адзначы пазітыўны уклад хрысціяніяскіх
супольнасцяў у жыццё грамадстваў рэгіёна, неад’емнай часткай якога яны з’яўляюцца.