26-31 օգոստոս Պենինի մէջ տեղի կ՛ունենայ ''Խարիզմադիկ Կաթողիկէ Վերանորոգումի'' Համա-ափրիկեան
7-րդ գիտաժողովը, որուն խորհրդածութեան նիւթն է. ''հաշտութիւնը, արդարութիւնը եւ խաղաղութիւնը
Ս. Հոգւոյ զօրութեամբ''։ Ժողովականները բացի իրենց անձնական փորձառութիւններն ու ապրումները
ներկայացնելէ իրենց խորհրդածութիւնները պիտի կեդրոնացնեն մասնաւորապէս հետեւեալ նիւթերու
վրայ. - ''խաղաղութիւն ու համակեցութիւն սիրոյ մէջ'' յատկապէս ափրիկեան ցամաքամասէն
ներս։ - 28 օգոստոսին նիւթերն են` ''Ամենասուրբ հաղորդութիւնը որպէս հիմ միութեան
հաշտութեան'' եւ ''Հասարակաց բարիքին լաւ մատակարարութիւնը ազդակ բարգաւաճումի, արդարութեան
ու խաղաղութեան''։ - Հինգշաբթի 29 օգոստոսին ժողովականները պիտի խորհրդծեն ''ուսումնաժողովներու
բերած սատարին` խաղաղութեան հաստատման զարգացումի ծիրէն ներս'' մինչ յետ միջօրէին պիտի
կատարուին ''նոր աւետարանութեան արշաւներ'' խորագրով հանդիպումներ։ - Վերջընթեր օրուայ
զրոյցը պիտի կեդրոնանայ ''Ընտանիքի եւ նոր սերունդի'' մասին որպէս ''յոյս արդարութեան
եւ խաղաղութեան''։ Ի վերջոյ 31 օգոստոսին գիտաժողովը պիտի եզրափակուի հանդիսաւոր սուրբ
պատարագի արարողութեամբ։