Францішак: Езус – брама адкрытая для ўсіх без выключэння
27 жніўня папа Францішак
скіраваў два новыя твіт-паведамленні. У іх Святы Айцец нагадаў некаторыя свае думкі
агучаныя падчас разважання перад малітвай “Анёл Панскі” 25 жніўня. Яго Святы Айцец
прысвяціў вобразу брамы, якой з’яўляецца сам Езус. На сваім акаўнце ў “Твітэры” Пантыфік
напісаў: “Езус – гэта брама, якая вядзе да збаўлення і якая адкрытая для ўсіх”. У
другім твіт-паведамленні Папа заклікаў “дазволіць Езусу увайсці ў наша жыццё, выходзячы
з эгаізмаў, абыякавасці і закрытасці на іншых”. Перад нядзельнай марыйнай малітвай
Францішак казаў, што брама, якой з’яўляецца Езус, ніколі не бывае закрытай, яна заўсёды
адкрыта для ўсіх, без адметнасцяў, выключэнняў і прывелеяў. Паводле Папы гэта брама
адкрыта нават для грэшнікаў, больш за тое – Езус заўсёды аддае перавагу грэшнікам,
каб прабачыць іх і любіць. “Не бойцеся: Езус вас чакае! Майце адвагу, каб увайсці
ў Яго браму. Усе запрошаны прайсці пра яе, прайсці праз браму веры, увайсці ў Яго
жыццё і дапамагчы Яму ўвайсці ў наша жыццё, каб Ён яго перамяніў, абнавіў, падарыў
поўную і доўгатрывалую радасць”, - казаў Папа.
Пасля заканчэння нядзельнай
сустрэчы з вернікамі Францішак звярнуўся да сваіх чытачоў у сацыяльных сетках з твітам:
“Не бойцеся прасіць прабачэння ў Бога. Ён ніколі не стамляецца прабачаць нас. Бог
– гэта сама міласэрнасць”.