Папа зрабіў прызначэнне ў судовай дыкастэрыі Святога Пасаду

24 жніўня папа Францішак прызначыў біскупа Джузэпэ Скіячу дадатковым сакратаром Найвышэйшага Трыбунала Апостальскай Сігнатуры – вышэйшага судовага органа Каталіцкага Касцёла. Да гэтага іерарх займаў пасаду Генеральнага Сакратара Губернатара Дзяржавы Ватыкан. Біскуп Джузэпэ Скіяча ўжо меў досвед судовай дзейнасці. Пасля вывучэння кананічнага права ў тэалагічным інстытуце ў Ачырэале, на поўдні Італіі, ён працаваў у італьянскіх дыяцэзіяльных касцёльных судах. У 1999 г. быў прызначаны прэлатам аўдытарам Трыбунала Рымскай Роты – апеляцыйнага судовага органа Каталіцкага Касцёла.