Në Kastel Gandolfo, kremtimet për Zojën e Liqenit i kryesoi imzot Genshvajn
Sot, në orën 18.30, prefekti i Shtëpisë Papnore dhe sekretari personal i Papës së
nderit, imzot Georg Genshvajn kryeson Meshën për 36-vjetorin e përurimit të Kishës
së Zojës së Liqenit në Kastel Gandolfo, rezidenca verore e papëve të Romës. Në
përfundim të kremtimit, shtatorja e Virgjërës Shenjte bartet në procesion deri në
portin e qytezës, ku u vendos në një varkë për një procesion tjetër, ndjekur nga varka
e kajake. Festa mbyllet me koncertin e korit e të bandës muzikore të qytezës laciale,
si edhe me dhurimin e një shtatore bronxi të Engjëllit të Rojes për kishën e Zojës
së Liqenit, për të cilën kujdeset famullia papnore e shën Tomës së Vilanovës, besuar
salezianëve nga Papa Pali VI. Zanafilla e festës gjendet në vitet ’50, kur famullitari
i atëhershëm vendosi t’i kushtojë Zojës Bekuar një procesion në brigjet e liqenit
Albano e lutje, që përsëriten edhe sot. Në vitet ’60, qe Papa Pali VI ai, që nxiti
ndërtimin e Kishës në breg të liqenit, të cilën e përuroi vetë më 15 gusht 1977.