ԹԵԼ ԱՒԻՒ, «Ռոյթըրզ».- Հինգշաբթի, Օգոստոս 22ին, հիւսիսային Իսրայէլի ուղղութեամբ առնուազն
չորս հրթիռներ արձակուած են հարաւային Լիբանանէն. անոնցմէ մէկը իսրայէլեան «պողպատեայ
գմբէթ» համակարգին կողմէ վար առնուած է, իսկ միւսները նիւթական վնասներ պատճառած են:
Կարգ մը աղբիւրներու համաձայն՝ հրթիռները արձակուած են Սուր քաղաքի «Ռաշիտիյէ» գաղթակայանին
մօտէն: Իսրայէլեան բանակը Հայֆայի վերեւը օդային տարածքի փակումը յայտարարեց եւ կոչ
ըրաւ քաղաքացիներուն, որ ապաստարաններու մօտ մնան: Աւելի ուշ, իր տեղեկութիւնները
բարձրաստիճան պաշտօնատարներէ քաղելով՝ իսրայէլեան պատկերասփիւռի 10րդ կայանը հաղորդեց,
որ նախնական տուեալներով, հրթիռարձակումին պատասխանատուն «Հըզպալլա»ն չէ, այլ՝ «Քայիտա»ի
առնչակից խմբաւորումներ: