கடல்தொழில் செய்பவர்களின் உரிமைகள் பாதுகாக்கப்படும் ஒப்பந்தம்

ஆக.,20,2013. கப்பல்களிலும் பிற நீர்க்கலங்களிலும் வேலைசெய்யும் அனைவரின் உரிமைகள் அனைத்துலகச் சட்டத்தின்கீழ் பாதுகாக்கப்படுவதற்கு உதவும் MLC எனப்படும் 2006ம் ஆண்டின் கடல்சார்ந்த தொழில் ஒப்பந்தம் இச்செவ்வாயன்று அமலுக்கு வந்துள்ளது.
சுற்றுலா கப்பல்களில் வேலை செய்வோர் உட்பட கடல்சார்ந்த தொழில் செய்யும் எல்லாரும் இவ்வொப்பந்தத்தின்கீழ் வருகின்றனர்.
இவ்வொப்பந்தம் குறித்து ஜெனீவாவிலுள்ள அனைத்துலக தொழில் நிறுவனத்திலிருந்து செய்தி வெளியிட்ட Patrick Moser அவர்கள், இவ்வொப்பந்தத்தின்மூலம், கப்பல் பணியாளருக்குத் தரமான தங்கும் வசதிகள், ஊதியம், மருத்துவ வசதிகள், மறுவாழ்வு போன்ற நலன்கள் கிடைக்கின்றன எனத் தெரிவித்தார்.

ஆதாரம் : UN