ЗША: прадстаўнік Святога Пасаду сустрэўся з законніцамі
“Сустрэча, якая паспрыяла
глыбокаму абмену думкамі і пунктамі гледжання і такім чынам лепшаму ўзаемаразуменню”,
- так пракаментавала Канферэнцыя вышэйшых настаяцельніц жаночых манаскіх супольнасцяў
ЗША, сустрэчу з арцыбікупам Пітэрам Сартэнам, апостальскім дэлегатам Святога Пасаду,
якому было даручана наглядаць за рэарганізацыяй гэтай структуры. Сустэча адбылася
ў рамках штогадовага форума аб’яднання, які праходзіў 11-16 жніўня ў горадзе Арланда,
у штаце Фларыда. Падчас дыскусіі з прадстаўніком Апостальскай Сталіцы былі абмеркаваны
пытанні звязаныя з дактрынальнай ацэнкай дзейнасці Канферэнцыі вышэйшых настаяцельніц,
якая ў сваю чаргу была складзена Кангрэгацыяй Веравучэння ў красавіку 2012 г.
Адзначаецца
што мэтай ацэнкі, было вырашэнне “сур’ёзных праблем” звязаных з некаторымі праявамі
“радыкальнага фемінізму” і іншымі феноменамі несумяшчальнымі з навучаннем Каталіцкага
Касцёла і зафіксаванымі ў дзейнасці амерыканскай асацыяцыі настаяцельніц манаскіх
супольнасцяў. У прыватнасці гаворка ідзе пра пытанні звязаныя з канктрацэпцыяй, абортамі,
святарскім пасвячэннем жанчын і душпастырства гомасексуалістаў.
Канферэнцыя
вышэйшых настаяцельніц жаночых манаскіх супольнасцяў ЗША прадстаўляе каля 80% з усіх
57 тыс. амерыканскіх законніц.