Kongresi misionar argjentinas. Papa: kumtojeni Jezusin, të çliruar nga tundimi i
kërkimit të rehatisë
“Dilni nga vetvetja, për të shkuar në periferitë gjeografike dhe ekzitenciale, për
ta kumtuar Jezusin e për ta bërë të njohur mesazhin e tij”. Kështu shkruan Papa Françesku
në një mesazh drejtuar Kongresit kombëtar misionar të Argjentinës, që u hap dje në
qytetin Katamarka. Papa i falënderon pjesëmarrësit për zellin dhe uron që kongresi
të japë ndihmesë të çmuar për thellimin e frymës misionare. Shpirti Shenjt, uron Papa,
ju dhëntë forcë, ju ndihmoftë për të vepruar pa frikë e me guxim dhe ju çliroftë nga
tundimi i rehatisë”.Kongresi, në të cilin marrin pjesë më se një mijë misionarë argjentinas,
kryesohet nga ipeshkvi i Katamarkës, imzot Lui Urbank. Marrin pjesë shumë argjentinas
si dhe prelatët e Brazilit, Venezuelës, Meksikës, Guatemalës, Ekuadorit, El Salvadorit.