“Дзень гневу” аб’яўленны
16 жніўня радыкальнымі прыхільнікамі зрынутага Прэзідэнта Егіпта Мухамеда Мурсі пэўным
чынам быў скіраваны супраць прадстаўнікоў хрысціянскай меншасці гэтай краіны. Яны
былі абвінавачаны ў саюзе з новымі ўладамі краіны і арміяй, якая падаўляе пратэсты
ісламістаў. У выніку, за апошні дзень нападам падвергнуліся каля 50 хрысціянскіх аб’ектаў
на тэрыторыі Егіпта: касцёлы, манастыры, школы, бальніцы. Большасць з іх была падпалена.
З заклікам да міру ў ахопленай насіллем краіне выступіла Сусветная рада Цэркваў –
экуменічная арганізацыя, якая аб’ядноўвае каля 350 рэлігійных супольнасцяў розных
веравызнанняў. У дакуменце апублікаваным гэтай структурай 16 жніўня адзначаецца, што
“адзіным шляхам вырашэння канфлікту з’яўляецца ўзаемнай прызнанне роўнасці правоў
усіх грамадзян краіны, дзяленне адказнасцю і ўладай з улікам адметнасцяў у палітычных
поглядах і рэлігійных перакананнях”. “Сусветная Рада Цэркваў і яе члены занепакоены
гвалтоўнымі дзеяннямі ў Егіпце і заклікаюць да імгеннага спынення насілля з абодвух
бакоў”, - гаворыцца ў дакуменце падпісаным генеральным сакратаром арганізацыі Олафам
Твайтам.