Апелот на Папата за мир во Египет прифатен со воодушевување
Во Египет кој е зафатен со насилство и страв од граѓанска војна, зборовите на Папата
за време на говорот на молитвата Ангел Господов на празникот Успение на Пресвета Богородица,
беа прифатени како зрак на надеж. Апелот за мир и дијалог со задоволство беше прифатен
од христијаните и муслиманите во Египет, истакна отец Рафик Грајхе, портпарол на египетската
епископска конференција во телефонскиот разговор за Радио Ватикан.
Народот,
католици и православни, па дури и муслимани, откако заврши Папата со својот говор,
насекаде се раширија неговите зборови; по сите дневни весници и интернет страни, како
да очекуваа да прозбори Папата. Посебно католиците почувствуваа дека Папата им е близу,
дека моли за нив и дека настојува да им даде надеж, која навистина им е потребна –
изјави отец Рафик Грајхе.
На прашањето за моменталната состојба, рече дека
во текот на ноќта следбениците на „Муслимански браќа“ протестираа, напади беа извршени
не само врз црквите, туку и врз државните институции, а запалени се и неколку полициски
станици. Четириесет цркви, десет католички и триесет православни и протестантски,
ограбени се и запалени, а некои срамнети и со земја – рече отец Рафик Грајхе.
На
прашањето за можното помирување, рече дека му е жал што мора да признае дека нема
да биде лесно да се постигне помирување, бидејќи Муслиманските браќа, како и некои
други муслимански партии не се трудат за да најдат полтичко решение. Народот сака
мирољубив Египет, меѓутоа мала група шири насилство и ужас, дури и по селата на горен
Египет – потенцира отец Рафик Грајхе.