Në meshët e mëngjesit, që Papa Françesku kremton çdo ditë në kapelën e Shtëpisë së
Shën Martës, Ati i Shenjtë përdor hoste të dhuruara nga një e burgosur argjentinase.
Lajmi merret vesh vetëm tani, nga një letër që vetë Papa i çon asaj për ta falenderuar
e që mban datën 17 korrik. Gruan, që identifikohet si Gaby C., Papa Bergolio e falenderon
“për besimin dhe për hostet”, duke e siguruar se “nesër në mëngjes do t’i përdor në
meshë”. “Kjo më emocionin shumë, shkruan Ati i Shenjtë, i cili, si gjithnjë, premton
lutje për të burgosurën. Kjo e fundit merr pjesë prej kohësh në nismat e Kishës brenda
burgut, që ndodhet në dioqezën e Shën Izidorit, në veri të Buenos Ajresit. Është specializuar
në prodhimin e hosteve, që përdoren nga kisha të ndryshme të kryeqytetit argjentinas.