Papa dhuron 100 mijë euro për të varfërit e Argjentinës
Papa Françesku dhuroi 100 mijë euro për të varfërit e Argjentinës, me rastin e nismës
“Mas por Menos” të Kishës vendase, që synon mbledhjen e fondeve për projektet kishtare
në favor të nevojtarëve. Nisma do të zhvillohet më 8 shtator, me moton “Besojmë në
ndihmën tënde”. Në mesazhin e tij, Papa Françesku i fton të gjithë argjentinasit të
identifikohen me Krishtin, duke e forcuar miqësinë me Të përmes lutjes dhe kremtimit
të Sakramenteve, e aty, të gjejnë forcën për t’u shërbyer, pa u ndalur, nevojtarëve,
sidomos më të varfërve.