Ватыканскі кардынал у Нагасакі: нежаданне дараваць – першы крок да насілля
У 68-ю гадавіну атамнай
бамбардзіроўкі Нагасакі за яе ахвяр маліўся ў японскім горадзе кардынал Пітэр Тарксан.
Мір з’яўляецца плёнам ўзаемадзеяння паміж Богам і чалавекам, сказаў ён 9 жніўня падчас
св. Імшы з японскімі біскупамі. Старшыня Папскай рады “Iustitia et Pax” асудзіў вайну
і насілле і заклікаў заўсёды згодна з Евангельскімі ідэаламі імкнуцца да мірнага ўрэгулявання
канфліктаў. Нежаданне дараваць кардынал назваў першым крокам на шляху да насілля.
Бог даруе кожнаму і патрабуе ад чалавека пакаяння і пакоры, сказаў іерарх.
Падчас
атамных бамбардзіровак 6 і 9 жніўня 1945 г., паводле ацэнак, 100 тыс. чалавек загінулі
ў Хірасіме і 80 тыс. у Нагасакі. Дзясяткі тысяч усё жыццё цярпелі і далей церпяць
ад наступстваў атамных удараў. Ян Павел II наведаў Японію ў 1981 г., дзе асудзіў жахі
і бессэнсоўнасць вайны і заклікаў свет да міру.
Эўхарыстыяй у Нагасакі кардынал
Тарксан закончыў свой візіт у Японію, які пачаўся ў панядзелак. Кардынал наведаў абодва
пацярпелыя ад бамбардзіровак гарады, дзе ўдзельнічаў у міжрэлігійных сустрэчах.
Сусветная
рада Цэркваў у сувязі з гадавінай трагедыі ў Хірасіме і Нагасакі таксама заклікала
да канчатковага ядзернага раззбраення. “Бог, Які ёсць Жыццём, заклікае, каб усе пачулі
крыкі тых, хто выжыў, і ясна засведчылі, што такія бамбардзіроўкі, якія адбыліся ў
Хірасіме і Нагасакі, больш ніколі не паўтарацца”, - гаворыцца ў заяве генеральнага
сакратара Сусветнай рады Олафа Фіксэ Твэйта. З улікам апошніх тэндэнцый да абнаўлення
ядзернага ўзбраення ў некаторых краінах неабходна глабальная мабілізацыя сіл супраць
сістэм ядзернай зброі, напісаў Твэйт.