ዚምባብዌ፦ ድህረ ሕዝባዊ መረጻ ዘሎ ኩነት ኣብ ምርግጋእ ተራ ካቶሊካውያን ብፁዓን ጳጳሳት

ናይ ዚምባብወ ብፁዓን ጳጳሳት ቤት ምኽሪ ጠቕላሊ ዋና ጸሓፊ ኣባ ፍረደርክ ችሮምባ ኣብ ዚምባብዌ ዘሎ ኩነት ድህረ ሕዝባዊ መረጻ እታ ሃገር ኣዚዩ ዘድልያ ዘሎ ማሕበራውን ፖለቲካውን ኤኮኖሚያውን ምርግጋእ ጅማረ እምበር ናብ ዝኸፍኤ ጐዳና ዝመርሕ ከይከውን እንክብሉ ኣብ ዚምባብዌ እትርከብ ካቶሊካዊት ቤተ ክርስቲያን ብፁዓን ጳጳሳት ቤት ምኽሪ ሽም ከምእተላበዉ ቺኤንኤስ እተሰምየ ናይ ዜና ኣገልግሎት ሓቢሩ።
እዚ ከምዚ ኢሉ እንከሎ ኣብ ዚምባብዌ ዘሎ ኩነታት ድህረ ሕዝባዊ ምርጫ እቲ ብርእሰ ብሔር ሮበርት ሙጋቤ ዝምራሕ ዛኑ ፒኤፍ እተሰምየ ሃገራዊ ግንባር ፖለቲካዊ ውድብ ከምዝሰዓረን ናይ ሮበርት ሙጋቤ ርእሰ ብሔርነት ስልጣን ከምዘረጋገጸን ክንገር እንከሎ ናይ’ቲ ዕለት 31 ሓምለ 2013 ዓ.ም. ዝተኻየደ ሕዝባዊ ምራጫ ውጽኢት ምድንጋር ዝተመልኦ ዘይሕጋዊ ኢዩ ኔሩ እንክብል ብሞርጋን ዝቫንጂራይ ዝምራሕ ዴሞካሲያዊ ለውጢ ምንቅስቃስ ሓቢሩ፣ ውጽኢት ሕዝብዊ ምርጫ ዘይቅበሎ ምዃኑ ድሕሪ ዝሃብዎ መገልጺ ተፈጢሩ ዘሎ ቅልውላው ከምቲ ኣብ 2008 ዓ.ም. ተኸሲቱ ዝነብረ ሕድ ሕዳዊ ውጥረትን ደም ምፍሳስን ከይተኣታትው ዘፍርሕ ምዃኑ ኣባ ቺሮምባ ገሊጾም ሕዝቢ ዚምባብዌ ውጽኢት ሕዝባዊ ምርጫ ኣብ ሓቅን ግልጽነትን ዝቖመ ክኸውን ኣብ ሓቅን ግልጽነትን ክቡራት ዋጋታት ሓድነቱ ኣጽኒዑ ንረብሓ ሃገርን ህዝብን ደው ክብል ከምዘተሓሳሰቡ ቺኤንኤስ ናይ ዜና ኣገልግሎት ሓቢሩ፣ ናይቲ ሕዝባዊ ምርጫ ውጽኢት ዝተደናገረን ዘይሕጋዊ እዩ ዝብል ተቓዋሚ ናይ ፖሊቲካ ሰልፊ ብመሰረት ፍትሕን ሕግን መምርሒታት ክገጥሞ ሓደራ ከምዝበሉን ኣብ ዝሓለፉ መዓልታት ናይ ዜምባብዌ ብፁዓን ጳጳሳታ ቤት ምኽሪ ናይ ፍትሕን ሰላምን ድርገትን ናይ ደቡብ ሃገራት ኣፍሪቃ ናይ ዝተፈላለያ ኣቢያተ ክርስቲያን ብፁዓን ጳጳሳት ሕብረትን ኣብቲ ዝተኻየደ ሕዝባዊ ምርጫ 2,796 ናይ ሓባር ተዓዘብቲ ኣካላት ኣዋፊሮም ከምዝነበሩን ኣብ ገለ ገለ ነቑጣ እንተዘይኮይኑ ኣብ ጠቕላላ ከባቢ ከይዲ ሕዝባዊ ምርጫ ስርዓት ዝሓለወ ኢዩ ኔሩ ዝብል መግለጺ ኣውጺኦም ከምዝነበሩ የዘኻኽር።