Санкцыі, накладзеныя
на двух славенскіх арцыбіскупаў з’яўляюцца “прыкладам для ўсяго Касцёла”, - сказаў
кардынал Франк Радэ, прэфект на пенсіі Кангрэгацыі па справах Інстытутаў кансэкраванага
жыцця і Таварыстваў апостальскага жыцця. Іерарх, родам са Славеніі, быў у 1997-2004
гг. арцыбіскупам сталічнай Любляны. Па словах кардынала Радэ, у пачатку свайго пантыфікату
папа Францішак, верагодна, жадаў паставіць “славенскі вопыт” у прыклад для ўсяго Касцёла,
каб паказаць, што ён не пойдзе на кампрамісы ў фінансавых і іншых праблемах. Словы
іерархіа, які заўважае ў Ватыкане “жорсткую лінію” адносна духавенства ў выпадку якіх-кольвечы
праступкаў, цытуе славенская газета “Delo”.
31 ліпеня папа Францішак прыняў
адстаўку Мітрапаліта Люблянскага арцыбіскупа Антона Стрэза і Мітрапаліта Марыборскага
арцыбіскупа Мар’яна Турншэка. Абодва іерархі раней былі арцыбіскупамі каад’ютарамі
архідыяцэзіі Марыбор (арцыбіскуп Стрэз з лютага па лістапад 2009 г., а арцыбіскуп
Турншэк з лістапада 2009 г. па люты 2011 г.), у часы, калі ў выніку серыі паспешных
рашэнняў і фінансавых інвестыцый архідыяцэзія, і ў выніку ўвесь Касцёл у Славеніі,
трапілі ў даўгі на велізарную суму каля 800 млн. еўра.