Ֆրանչիսկոս Պապը Կարտինալ Օրդէկան Նշանակեց Յատուակ Նուիրակ Գլխաւորելու Սան Սալվատորի Աւագ Արքեպիսկոպոսական Թեմի Հաստատումի Հարիւրամեակի Եզրափակիչ Տօնախմբութիւնները։

Անցեալ 15 յունիս 2013-ին ֆրանչիսկոս Սրբազան Քահանայապետը Սան Քրիդոպալ Տէ Լա Հապանայի արքեպիսկոպոս` Կարտիալ Ժէյմ Լուգաս Օրդէկան նշանակեց իր յատուկ նուիրակը գլխաւորելու համար Սան Սալվատորի աւագ Արքեպիսկոպոսական Թեմի, եւ Սանդա Անա եւ Սան Միկէլ թեմի հաստատումին առաջին հարիւրամեակի եզրափակիչ տօնախմբութիւնները ինչպէս նաեւ Սուրբ Հաղորդութեան Ազգային Գիտաժողովի եզրափակիչ արարողութիւնը զոր տեղի կ՛ունենան յառաջիկայ 11 օգոստոսին Սան Սալվատորի մէջ։
Կարտինալ Օրդէկային գլխաւորած պատուիրակութեան մաս կը կազմեն Սան Սալվատորի Արքեպիսկոպոսական Թեմի Տեղակապահ եպիսկոպոս` գերապայծառ Սէքունտինօ Տէ Խէսուս Տէլկատօ Աչէվէտ եւ Սանդա Անա Թեմի ''Երանելի Յովհաննէս ԻԳ'' աւագ Նորընծայարանի Րէկտոր Հայր Խոսէ Կապրիէլ ֆլորէս Րոտրիկէզ։


Քահանայապետական Անուանումներ

Յայտնենք նաեւ որ Ֆրանչիսկոս Պապը այսօր 3 օգոստոս 2013-ին գերապայծառ Կուիտօ Բոցցօն` որ մինչեւ օրըս Առաքելական ողորմնաբաշխի պաշտօնը կը վարէր նշանակեց` ''Աստուծոյ Եկեղեցի'' կոչուած Քահանայապետական յանձնախումբի քարտուղար ու անոր տեղ որպէս Քահանայապետական Ողորմնաբաշխ նշանակեց գերապայծառ Գոնրատ Քարժէվսքին որ մինչեւ օրըս Քահանայապետի արարողապետներէն մին էր։