Սուրիոյ Մէջ Այսօր կը Նշուի Բանակի Օրը՝ Ասատ Վստահ Է, Որ Պիտի Յաղթէ
Սուրիոյ նախագահ Պաշշար Ասատ երէկ յայտնեց, որ ինք վստահ է, որ պարտութեան պիտի մատնէ
զինեալ ընդդիմութիւնը: «Եթէ Սուրիոյ մէջ վստահ չըլլայինք, թէ յաղթանակ պիտի արձանագրենք,
դիմադրելու եւ աւելի քան երկու տարի թշնամիին դէմ կռիւը շարունակելու կարողութիւնը պիտի
չունենայինք», ըսաւ Ասատ: Ան սուրիական բանակի ստեղծման 68-ամեակին առիթով սպաներու
առջեւ իր արտասանած խօսքին մէջ յայտնեց, որ սուրիացի զինուորները «ահաբեկչութեան… եւ
արդի պատմութեան ամէնէն բարբարոս պատերազմին դիմաց» քաջութիւն ցոյց տուած են: Նշենք,
որ Ասատ երէկ անակնկալ կերպով Տարայիա այցելեց: