Հայաստան Կը Նախատեսէ Յաջորդ Տարի Խաղաղապահ Ուժեր Գործուղել Լիբանան
Լիբանանի մէջ ՄԱԿ-ի խաղաղապահ առաքելութեան կազմին մէջ հայկական խաղաղապահ ստորաբաժանման
ընդգրկումը կը նախատեսուի յաջորդ տարի: Լիբանանի մէջ ՄԱԿ-ի հովանիին տակ իրականացուող
ՖԻՆԻՒԼ-ի խաղաղապահ առաքելութեան հրամանատար երկիր հանդիսացող Իտալիան պաշտօնապէս դիմած
է Հայաստանին` առաքելութեան կազմին մէջ հայկական զօրախումբ ընդգրկելու առաջարկով, որ
պէտք է իրականացնէ առաքելութեան կեդրոնակայանի անվտանգութեան ապահովման գործառոյթներ:
Այս պահուն ՖԻՆԻՒԼ-ի խաղաղապահ առաքելութեան կազմին մէջ հայկական զօրախումբ ընդգրկելու
վերաբերեալ կ’ընթանան բանակցութիւններ ՄԱԿ-ի եւ Իտալիոյ պաշտպանութեան նախարարութեան
հետ զօրախումբի կառուցուածքին, տեղակայման վայրին, խնդիրներուն, թիկունքային ու ճարտարագիտական
ապահովման եւ այլ խնդիրներու շուրջ: 2012 թուականէն Լիբանանի մէջ ՄԱԿ-ի դիտորդական
առաքելութեան կազմին մէջ ներգրաւուած է Հայաստանի զինեալ ուժերու մէկ սպայ: