Në shtetin e Karnatakës në Indi vazhdon dhuna kundër të krishterëve. Ultranacionalistët
hinduistë të Partisë “Bharatiya Janata Party” përpiqen ta bëjnë për vete popullsinë
me çdo lloj mjeti, pas humbjes së rëndë në zgjedhje. Ngjarja e fundit ka ndodhur më
25 korrik. Një grup ekstremistësh hinduistë hyri në kishën e pastorit pentekostal
Raju, ku po mbahej një takim lutjeje me rreth 40 besimtarë. Ekstremistët hodhën baltë
në ushqimin e tyre dhe e akuzuan pastorin se i kthente njerëzit në krishterim, duke
u dhënë para. Fatkeqësisht, kjo nuk ndodh për herë të parë. Kujtojmë tetorin e vitit
2012, kur disa ultranacionalistë hinduistë u kërkuan të krishterëve t’i paguanin taksë
tempullit hindu e kur këta kundërshtuan, i rrahën për vdekje.