Campus Fidei në Rio do të marrë emrin e Papës Françesku
Campus Fidei - zona e Guaratibës, në perëndim të Rio-de-Zhanejros, ku duhej të ishte
zhvilluar mbrëmësorja e lutjes dhe mesha përfundimtare e DBR-së në Brazil – do të
bëhet lagje me shtëpi popullore, sipas vendimit të kryetarit të bashkisë, për të cilin
ju kemi njoftuar në emisionet e kaluara. Por jo vetëm kaq. Ajo do të marrë emrin
“Fusha e fesë e Papës Françesku”. 3,5 milion metra katrore do të vihen në dispozicion
për ndërtimin e shtëpive, ku do të strehohen 20 mijë familje të varfëra të rajonit.
Kujtojmë, se veprimtaritë e parashikuara në këtë fushë u zhvendosën në plazhin Kopakabana,
për shkak të kohës së keqe.