Հալէպ – Երեւան Փոխադրակառքի Ուղեւոր 4 Տղամարդիկ Առեւանգուած Են
Սուրիոյ մէջ երէկ 4 հայ տղամարդիկ առեւանգուած են: Անոնք եղած են Հալէպէն Երեւան ուղեւորուած
փոխադրակառքին մէջ: Դէպքը տեղի ունեցած է Թուրքիոյ սահմանին մօտ: Հալէպէն «Երկիր Մետիա»-ի
թղթակից Մարիա Գաբրիէլեան տեղեկացուցած է, որ առեւանգեալներն են Գարեգին Հացագործեան,
Կարօ Պապօղլեան, Նարեկ Վարժապետեան եւ Սագօ Ասատուրեան: Հալէպէն Երեւան մեկնող փոքր
չափի փոխադրակառքը կանգնեցուած է թրքական սահմանին մօտ` զինեալ խմբակի մը կողմէ: Չորս
հայ տղամարդիկ եւ վարորդը առեւանգուած են, իսկ երեք հայ կիներ տարուած են Քիլիս: Կիները
կը գտնուին Քիլիսի պանդոկներէն մէկուն մէջ: