Turma oqeanike e të rinjve, ardhur nga të katër anët e botës në Rio, do të mblidhet
përsëri sot pasdite në Rio de Zhanjero, për Udhën e Kryqit se bashku me Papën, në
orën 18.00 me orën lokale, 23.00 me atë evropiane. Stacionet e Udhës së Kryqit
kujtojnë mundimet e Jezu Krishtit, pasqyruar në të rinjtë e sotëm. Udha e Kryqit,
përshkuar nga Jezusi në Jeruzalem, rijeton, në Udhën e Kryqit të Rio de Zhanejros
me 14 stacione, nga të cilat 13 do të përshkojnë 900 metra pranë Udhës së Atlantikut.
Stacioni i fundmë, mbi tribunën qëndrore, ku do të jetë Papa Françesku. Një orë e
gjysëm shtegtim me Jezu Krishtin, që mbart kryqin mbi shpinë. Kryqin e kohës së vet
e të të gjitha kohëve! Tekstet e meditimeve janë të meshtarëve dehonianë atë
Zezinho (José Fernandes de Oliveira) e atë Joazinho (João Carlos Almeida), shumë të
njohur në Brazil për veprimtarinë e tyre baritore ndërmjet të rinjve. Për shkak
të ndryshimit të orarit, ne do ta ndjekim këtë udhë Kryqi nesër, duke ecur hap pas
hapi me Papën, që shkon drejt dy veprimtarive më të rëndësishme të DBR-së: Mbrëmësores
së lutjes, të shtunën mbrëma dhe Meshës përfundimtare, të diel.