Сусветная Рада Цэркваў: усе павінны мець свабодны доступ да пітной вады
“Забяспечыць свабодны
доступ да пітной вады і санітарных паслуг усім, таксама бедным і маргіналізаваным”,
- з такім заклікам звярнулася Сусветная Рада Цэркваў да кіраўнікоў дзяржаў і міжнародных
арганізацый. У Берліне праходзіць форум па гэтым пытанні. У ім прымаюць удзел тэолагі,
святары, навукоўцы - эксперты па гэтым пытанні. У сваім спецыяльным паведамленні яны
адзначылі, што вада з’яўляецца асноўным элементам у жыцці кожнага стварэння. “Сёння
каля 800 млн. асоб не маюць свабоднага доступу да пітной вады і кожны дзень каля 4
тыс. дзяцей памірае ва ўсім свеце ад хвароб, якія звязаны з пітной вадой”, - паведамілі
ўдзельнікі форума ў Берліне
“Вада становіцца адной з цэнтральных тэм нават
для ўдзелу у духоўным жыцці таму, што гэта асновапалягаючы рэсурс для ўсяго жывога.
Забеспячэнне вадой ўсіх людзей патрабуе адказных дзеянняў, неабходна захаваць яе і
справядліва размеркаваць яе для ўсіх стварэнняў”, - звярнулі ўвагу ўдзельнікі берлінскага
мерапрыемства. Яны адзначылі, што недахоп пітной вады і санітарных паслуг выклікае
сёння моцныя наступствы. Ва ўсім свеце каля 3 млн. чалавек штогоду памірае з-за адсутнасці
доступу да водных рэсурсаў.
У выніковым дакуменце яны падкрэслілі, што вада
- гэта грамадскае дабро і права свабоднага доступу да яе не можа быць злоўжываным.
“Прысваенне водных рэсурсаў прыватнымі групамі, якія не бяруць пад увагу патрэб сённяшняга
і будучых пакаленняў, становіцца непрымальным з пункту гледжання правоў чалавека”,
- адзначыла Сусветная Рада Цэркваў.
Наступная сустрэча па гэтым пытанні пройдзе
восенню гэтага года ў Пусан, у Паўднёвай Карэі.