Ватыканскі іерарх: Папа маэстра камунікацыі з моладдзю
Кардынал Станіслаў
Рылка лічыць, што Францішак з’яўляецца “сапраўдным майстрам у дыялогу з маладымі людзьмі”.
Стыль Папы вельмі “просты, канкрэтны і ясны”, - напісаў старшыня Папскай рады па
справах свецкіх у “L’Osservatore Romano”. Іерарх, адказны з боку Апостальскай Сталіцы
за арганізацыю Сусветных дзён моладзі, абмяркоўвае феномен гэтых сустрэч у “цяперашнім
перыядзе секулярызацыі”, называючы працэс, распачаты Францішкам “ціхай рэвалюцыяй”.Пурпурат
разважае над сакрэтам. што маладыя людзі з такой адкрытасцю і энтузіязмам прынялі
запросіны Папы? Чаму СМІ так шмат месца прысвячаюць гэтаму форуму? Кардынал Рылка
перакананы ў тым, што сустрэча прынясе “шмат вялікіх навін” і ўзбудзіць новы запал
веры.
На думку ватыканскага іерарха, кожная падобная сустрэча маладых католікаў
з’яўляецца вялікім выклікам для Касцёла, бо менавіта маладыя людзі павінны быць “прыярытэтам
у яго евангелізацыйнай дзейнасці”. “Гэта не лёгкая задача, наадварот, вельмі патрабавальная”,
- напісаў кардынал Рылка. Ён падкрэсліў, што моладзь чакае ад сваіх душпастыраў “паслядоўнасці
і празрыстага жыцця” і надае вялікае значэнне гэтым пытанням.“На працягу чатырох месяцаў
Францішак даказаў, што прыярытэтам у яго дзейнасці з’яўляюцца маладыя людзі”, - падкрэсліў
кардынала Рылка. Ён звярнуў увагу на заклікі Пантыфіка да маладых людзей, каб мелі
вялікае сэрца і вялікія ідэалы і ішлі “супраць плыні дамінуючай сучаснай культуры”.
“Душпастырская праграма Папы адносна моладзі змяшчае ў сабе моцнае заахвочанне да
таго, каб ісці: не затрымлівацца і не баяцца падзенняў”, - напісаў старшыня Папскай
рады па справах свецкіх напярэдадні Сусветных дзён моладзі ў Рыа-дэ-Жанейра.