У “Tвітары” Папы: каб Пан суправаджаў маладых на іх шляхетных шляхах
Суботні твіт Францішка
звернуты да маладых у іх рэальнай і духоўнай дарозе да Сусветных дзён моладзі. Папа,
сам рыхтуючыся да пералёту на Лацінаамерыканскі кантынент, падтрымлівае юнакоў і дзяўчат.“Дарагая
моладзь; ведаю, што многія з вас яшчэ ў падарожжы да Рыа. Няхай Пан суправаджае вас
падчас шляху”, - піша сёння Папа ў сваім акаўнце ў “Tвітары”. Многія ўжо прыбылі
у Бразілію і ўдзельнічаюць у Місійным тыдні, як госці парафій вялікай краіны. Але
яшчэ больш такіх, якія толькі рыхтуюцца да свайго ўдзелу ў свяце веры і ў сведчанні
сваёй радасці і гатоўнасці несці хрысціянскую эстафету надзеі. Падтрымліваючы сваімі
кароткімі прывітаннямі праз “Tвітар” моладзь усіх кантынентаў, Пантыфік падкрэслівае,
што гэтая важная пілігрымка павінна ўнесці ўклад у падрыхтоўку сэрцаў да нясення місіі
жыцця, якую Хрыстус давярае сваім вернікам.