Սրբազան Քահանայապետը Ձեռագիր Նամակով Ստեղծեց Սուրբ Աթոռի Տնտեսա- վարչական Քահանայապետական Նոր Յանձնախումբ մը

Սուրբ Աթոռի Պետական Քարտուղարութիւնը կը յաղորդէ թէ ֆրանչիսկոս Սրբազան Քահանայապետը, 18 յուլիսին հրատարակած ձեռագիր նամակով, ստեղծած է Սուրբ Աթոռի Տնտեսա- վարչական գործունէութիւններու համար Քահանայապետական քննիչ նոր յանձնախումբ մը, որուն գլխաւոր պարտականութիւնն է տուեալներ հաւաքել ու զանոնք փոխանցել Սրբազան Քահանայապետին ինչպէս նաեւ համագործակցիլ Սուրբ Աթոռի կազմակերպչական եւ տնտեսական հարցերու Կարտինալական Խորհուրդին հետ` պատրաստելու համար Սուրբ Աթոռի կառոյցներու վերանորոգումի ծրագիր մը, Վատիկանի բոլոր Պետական տեսչութիւններու տնտեսական գործունէութիւնները վերակազմաւորումի նպատակով։

Յանձնախումբը կրնայ նաեւ համագործակցիլ` Հռոմի Քուրիայի ''Բարի Հովիւ'' առաքելական սահմանադրութիւնը վերատեսող ութը Կարտինալներէ բաղկացած աշխատանքային խումբին հետ։

Քահանայապետական քննիչ նոր յանձնախումբը կազմուած է` իրաւական, տնտեսական, ֆինանսական եւ կազմակերպչական ասպարեզներու մէկ կղերական եւ եօթը աշխարհական մասնագետներէ`
- Տիար Ժոզէֆ Զահրայ - Նախագահ
- Գերապայծառ Լուչիօ Անկէլ Վալէյօ Պալտա - Քարտուղար
- Տիար Ժան Պադդիսդա Տէ ֆրանսու
- Տօքդ. Էնրիք Լանօ
- Տօքդ. Ժոգէն Մէսէմեր
- Տիկ. ֆրանչէսքա Իմմաքոլադա Շաուքի
- Տիար Ժան Վիտէլան Սէվէսէր
- եւ Տիար Ժորժ Եէօ
Վերոյիշեալ յանձնախումբը շուտով կը սկսի իր աշխատանքները։ Սրբազան Քահանայապետի Պրազիլ կատարելիք ճամբորդութեան աւարտին։
Նորին Սրբութիւնը պտղաբեր համագործակցութիւն մաղթած է` յանձնախումբի եւ վատիկանեան տեսչութիւններու միջեւ։
Վերոյիշեալ քննիչ ''մասնագիտական յանձնախումբի'' ստեղծումով ֆրանչիսկոս Քահանայապետը կ՛ուզէ ''ռազմավարական բարելաւման լուծումներ'' ներմուծել Վատիկանի մէջ ''սահմանափակելու համար տնտեսական եկամուտներու մսխումը'', ''ապահովցնելու ինչքերու եւ ծառայութիւններու գործընթացի թափանցկութիւն'', ''բարելաւելու գոյքերու մատակարարումը եւ զգուշութեամբ աշխատելու ֆինասական մարզէն ներս։''