Музыка мае здольнасць
“увесці людзей у прысутнасць Бога”, адзначыў кардынал Жан-Луі Таран перад адкрыццём
“духоўнай праграмы” Зальцбургскага музычнага фестывалю, мэта якой сёлета – прывесці
Заходнюю і Усходнюю, перш за ўсё будысцкую, рэлігійную музыку да дыялогу. На працягу
амаль месяца ў “Горадзе Моцарта” будуць адбывацца канцэрты, падчас якіх можна будзе
пачуць духоўную музыку “заходніх” кампазітараў, грыгарыянскі харал і японскія літургічныя
будысцкія спевы.
Усход сёння стаў сінонімам містыкі і самааналізу, чаго не
хапае на Захадзе, сказаў кардынал. Музыка, адзначыў ён, мае шмат падабенства з рэлігіяй,
яна знаходзіцца ў пастаянным руху і ўвесь час развіваецца. “Музыка перадае нешта ад
Бога, які размаўляе з намі, адкрывае мову трансцэндэнтнасці паміж небам і зямлёй”,
- лічыць ватыканскі іерарх.
У музіцыраванні ідзе гаворка не толькі аб тэхналогіі,
заўважыў кардынал, трэба інтэрпрэтаваць твор, ідэнтыфікаваць сябе з музыкай. Іерарх
асабліва падкрэсліў важнасць цішыні ў музыцы: гэта неабходна, каб выкінуць з сябе
ўсё і пачуць нявыказанае пасланне Бога. Разам з музыкай, цішыня імкнецца да прыгажосці
і праўды, бо гэтага не можна выказаць з дапамогай толькі словаў, падкрэсліў кардынал
Таран.
Зальцбургскі фестываль (па-нямецку Salzburger Festspiele) – гэта прэстыжнае
штогадовае летняе музычнае мерапрыемства, якое праводзіцца з 1877 г. У ім прымалі
ўдзел найбуйнейшыя выканаўцы і дырыжоры XX ст.