Vatikani, i ftuar nderi në Sallonin e librit, Torino 2013
Shteti i Vatikanit do të jetë vendi i ftuar nderi në Sallonin e librit, Torino 2014,
në program më 8 deri më 12 majin e ardhshëm. Njoftimin e dha këto ditë, në Torino,
sekretari i Shtetit të Vatikanit, kardinali Tarçizio Bertone. Delegacioni, që do të
përfaqësojë Selinë e Shenjtë, do të kryesohet nga kardinali Xhanfranko Ravazi, kryetar
i Këshillit Papnor të Kulturës, ndërsa përgjegjës operativ, do të jetë drejtori i
Shtëpisë Botuese të Vatikanit, don Gjuzepe Kosta. Vendi i ftuar nderi, sipas traditës,
është i pranishëm në Sallonin e Torinos me një qoshk të vetin dhe organizon një program
me diskutime dhe lexime. Më hollësisht na flet don Gjuzepe Kosta:
Përgjigje:
- Programi duhet realizuar, duhet përgatitur. Javën e ardhshme do ta përgatisim
këtë program, me kardinalin Xhanfranko Ravazi, kryetar i delegacionit të Vatikanit.
Do të jetë, natyrisht, një program, që do të paraqesë fytyrën kulturore të Selisë
së Shenjtë në të gjitha aspektet: nga Muzetë, te Biblioteka, tek Shtëpia Botuese
e Vatikanit, Arkivi... Me një fjalë, të gjithë komponentët, që kanë prodhim editorial,
do të gjejnë vendin e tyre në këtë mjedis.
Pyetje: - Me çfarë fryme
organizohet kjo ngarje e cilat janë qëllimet?
Përgjigje: -
Fryma, natyrisht, është ajo e shërbimit, por me vetëdijën se pasuria kulturore e Selisë
Apostolike është me cilësi shumë të lartë, e kjo kërkon vëmendje e impenjim.