Papa: mesazh për mbrojtjen e jetës

“Të mbrohet jeta nga zënia, në vdekjen e natyrshme”. Është ftesa e Papës Françesku në një mesazh drejtuar katolikëve të Irlandës, Skocisë, Anglisë dhe Uellsit. Duke e marrë shtytjen nga kremtimi vjetor i Ditës për jetën, që do të kremtohet të diel, më 28 korrik Papa Françesku nënvizon vlerën e paçmueshme të jetës njerëzore: “Edhe më të ligështit, më të brishtit, të sëmurët, pleqtë, të palindurit e të varfërit, janë kryevepra të krijimit të Hyjit, bërë sipas shembëlltyrës së tij, të denjë për të gëzuar nderimin e respektin më të madh”- shkruan Ati i Shenjtë në mesazh. Tema e ditës: “Ruaje jetën. Ia vlen!”, është shkëputur nga homelia e shqiptuar nga kardinali i asokohshëm Bergolio, në një Meshë për nder të pajtorit të grave shtatzëna, Shën Raimond Nonato, rregulltar spanjoll i shekullit XIII. Në qendër të edicionit 2013, vëmendja për fëmijët e palindur dhe nënat e tyre.