Եկեղեցւոյ Պատմութիւնը Յատկանշող Շրջաբերական Նամակները

Ուրբաթ 5 յուլիսին հաւատոյ Տարուայ առթիւ, լոյս տեսաւ ֆրանչիսկոս Քահանայապետի ստորագրութիւնը կրող ''"Lumen fidei" հաւատոյ լոյս - շրջաբերական թուղթը որ կը հանդիսանայ Եկեղեցւոյ 297րդ շրջաբերական նամակը։
Արդարեւ շրջաբերական նամակներու սովորութիւնը սկիզբ առած են 1740-ին Պենետիկտոս ԺԴ Քահանայապետի օրով։ Սկզբնական շրջանին անոնք ուղղուած էին յատկապէս եպիսկոպոսներուն ու անոնց միջոցաւ կաթողիկէ աշխարհին։ Երջանկայիշատակ Յովհաննէս ԻԳ քահանայապետի օրով անոնք սկսան ուղղուիլ նաեւ բոլոր բարի կամք ունեցաղ մարդոց։ Այս նամակներէն մի քանին յատկանշեցին կաթողիկէ եկեղեցւոյ պատմութիւնը որովհետեւ կը ներփակեն կաթողիկէ եկեղեւոյ դիրքը աշխարհի յեջաշրջումի եւ ժամանակակից փիլիսոփայական հոսանքնրու դիմաց։
Շրջաբերական թուղթերու խորագիրը կը կազմուի անոնց լատինական լեզուով գրուած առաջին բարերէն։ Նշենք անոնցմէ կարեւորագոյներէն ոմանք`
Պիոս Զ 1775-ին հրատարակեց "Inscrutabili divinae sapientiae" շրջաբերականը որ կը խօսի ''անաստուածութեան յառաջացումի մասին եւ կը քննադատէ Լոյսերու դարի գաղափարականները'' ։
Լեւոն ԺԳ քահանայապետը 1891-ին հրատարակեց ''"Rerum Novarum" շրջաբերականը որուն մէջ կը ներկայացնէ Եկեղեցւոյ յանձնառումը ''ընկերային հարցերու'' շուրջ եւ կը դատապարէ բանուոր դասակարգի կեանքի ու աշխատանքի պայմանները, քաջալերելով զանոնք ընկերակցութիւններ կազմելու եւ անոնց անդամակցելու։
Պիոս ԺԱ-ի ''vini Redemptoris" 1937 -ին հրատարակած շրջաբերականը կը նորոգէ անասատուած համայնաւարութեան հանդէպ Եկեղեցւոյ դատապարտութիւնը։ Իսկ 1963-ին Յովհաննէս ԻԳ հրատարակած "Pacem in terris" շրջաբերական նամակը կ՛ըդգծէ խաղաղութեան կարեւորութիւնը որ հիմնուած է ճշմարտութեան, արդարութեան եւ ազատութեան վրայ որոնք կը պատկանին ամէն բարի կամք ունեցող մարդոց։
Պօղոս Զ Քահանայապետը 1967-ին հրատարկեց "Populorum Progressio" շրջաբերականը որուն միջոցաւ կը պահանջէ աշխարհի հաւասարակշիռ զարգացում մը որ գերազանցէ եսասիրութիւնները եւ 1968-ին "Humanae vitae" հրատարակած շրջաբերական նամակով կը դատապարտէ ծննդաբերութիւնը սահմանող արհեստական միջոցները։
Յովհաննէս Պօղոս Բ Սրբազան Քահանայապետը 1995-ին հրատարակեց "Evangelium vitae" եւ -"Ut unum sint" շրջաբերական նամակները։ Առաջինին մէջ Ան կը դատապարտէ վիժումը եւ հեշտամահութիւնը ու կոչ կ՛ուղղէ պայքարելու զանոնք թոյլատրող օրէնքներու դէմ իսկ երկրորդին մէջ կը հրաւիրէ միւս քրիստոնեայ եկեղեցիները վերագտնելու միութեան ճանապարհը ։
"Deus caritas est" Աստուած սէր է շրջաբերական նամակով Պենետիկտոս ԺԶ-ը աստուածաբանական առաքինութիւններու մասին խորհրդածութեան շարք մը սկսի որ կը շարունակուի 2007-ին "Spe salvi" ու 2009-ին "Caritas in veritate" հրատարկած շրջաբերական նամակներով։
Իսկ 5 յուլիս 2013-ին ֆրանչիսկոս սրբազան Քահանայապետի Հաւատքի Լոյս շրջաբերական նամակը կը խօսի քրիտոնէական հաւատքի մասին։ Անոր շարադրութիւնը սկսած էր Պենետիկտոս ԺԶ-ը, ֆրանչիսկոս Քահանայապետը լրացուց զայն նոր հատուածներ աւելցնելով։ Հաւանական է որ ֆրանչիսկոս Պապը ապագային հրատարակէ նամակ մը աղքատութեան նիւթի մասին։