Бразілія: прыбылі першыя журналісты на Сусветныя дні моладзі
Толькі 10 дзён засталося
да пачатку Сусветных дзён моладзі ў Рыа-дэ-Жанейра, а гэты моладзевы форум ужо ўстанавіў
свой першы рэкорд. Справа ідзе пра акрэдытаваных журналістаў, якія будуць асвятляць
гэтае мерапрыемства, паведамляе сённяшняе выданне “L’Osservatore Romano”. На папярэдняй
сустрэчы моладзі, якая адбылася ў Мадрыдзе ў 2011 г., было зарэгістравана каля 5 тыс.
журналістаў. Зараз іх лік перавысіў 5.5тыс., з іх больш за 2 тыс. міжнародных СМІ,
але іх лік будзе ўзрастаць. “Значыць сапраўдная мабілізацыя журналістаў, фатографаў
і аператараў, якія прыбываюць у горад Карыока з пяці кантынентаў, каб сачыць за першым
міжнародным апостальскім падарожжам папы Францішка і яго першым удзелам у Сусветных
днях моладзі”, - адзначае ватыканскае выданне і дадае, што першыя журналісты ўжо прыбылі
ў Рыа. Яны інфармуюць усіх пра апошнія падрыхтоўкі да моладзевагна форума, а таксама
назіраюць за працай валанцёраў.
Таксама крыж і ікона Сусветных дзён моладзі
прыбылі ў Рыа пасля пілігрымкі з 2011 г. па ўсіх бразільскіх дыяцэзіях і ўжо там усталяваны.