Të dielën, lutja e parë e Engjëllit të Tënzot nga Kastel Gandolfo
Të dielën, 14 korrik, Papa Françesku do të kremtojë lutjen e parë të Engjëllit të
Tënzot nga Kastel Gandolfo. Do të jetë hera e dytë që Papa shkon në qytezën e kështjellave,
ku ndodhet edhe selia verore e papëve, pas vizitës së 23 marsit, për takimin historik
me Papën e nderit, Benediktin XVI. Papa do të arrijë në selinë e Kastel Gandolfos
rreth orës 9.30, me automobil. Takimi i parë, me nëpunësit e Vilave papnore. Më pas
Papën do ta përshëndesë ipeshkvi i Albanos, imzot Marcelo Semeraro dhe personalitete
të tjera kishtare e shtetërore. Në përfundim të takimit të shkurtër, Ati i Shenjtë
do t’ua kthejë përshëndetjen të pranishmëve, duke i falënderuar për pritjen. Në
mesditë, kremtimi i Lutjes së Engjëllit të Tënzot nga porta qëndrore e Pallatit Apostolik.
Pastaj, dreka me bashkësinë rregulltare jezuite të Vrojtores astronomike të Vatikanit,
drejtuar nga një argjentinas, atë José Gabriel Funes.Ati i Shenjtë Bergolio u rikthye
në Vatikan pasdite.