Irlandë: Fëmija ende i palindur është njeri”

“Fëmija ende në bark të nënës është njeri, me të gjitha mundësitë, jo mundësi për të qenë njeri”: u shpreh kështu, të martën e kaluar, imzot Brendan Leahy, ipeshkëv i Limerikut, në Irlandë. Prelati kryesoi, në katedralen e qytetit, kushtuar Shën Gjonit, mbrëmësoren e lutjeve për mbrojtjen e jetës.
Në sa Kisha ngrinte zërin për mbrojtjen e jetës, në Parlament diskutohej një projekt –ligj për mbrojtjen e nënës gjatë shtazanisë. Ligji, i konsideruar nga Kisha antikushtetues, pranon ndërprerjen e shtatzanisë, me miratimin paraprak të një komisioni prej tre mjekësh, në rast se jeta e gruas shtatzënë është në rrezik.