Святы Айцец падзякаваў
эмігрантам за прыём і запрасіў іх маліцца адно за аднаго. Сустрэча Пантыфіка з бежанцамі
адбылася ў порце Лампедузы 8 ліпеня 2013 г., адразу пасля яго прыбыцця на востраў.
Сабраныя на пірсе выхадцы з Афрыкі і Блізкага Усходу падзякавалі Святому Айца за яго
візіт і паведамілі, што пакінулі свае краіны па 2 прычынах: палітычнай і эканамічнай.
Каб трапіць на Лампедузу, яны прайшлі доўгі шлях, праз пераадоленне розных перашкод
і пакуты. Эмігранты папрасілі Францішка дапамагчы дастукацца да міжнароднай супольнасці,
каб тая выйшла з дапамогай у вырашэнні іх складанай сітуацыі. Яны расказалі пра абмежаванні,
якія вымушаны цярпець у Італіі, і выказалі надзею, што будуць мець магчымасць перасяліцца
ў іншыя еўрапейскія краіны ў пошуку лепшай будучыні.
Невялікі італьянскі востраў
у Міжземным моры ў 2000-я гады ператварыўся ў перавалачны пункт для эмігрантаў з Афрыкі,
якія рэгулярна прыбываюць на Лампедузу ў перапоўненых лодках і шлюпках у надзеі перасяліцца
ў Італію і пачаць там новае жыццё. Многія гінуць падчас такіх плаванняў. На востраве
пабудаваны спецыяльныя лагеры для эмігрантаў, у якіх ім прадастаўляецца медыцынская
дапамога, часовае жыллё, ежа. Новая хваля перасяленцаў з краін Паўночнай Афрыкі хлынула
на Лампедузу пасля так званай “арабскай вясны” 2011года.