«Եգիպտոս Դէպի Քաղաքացիական Պատերազմ Կ՛ուղղուի» Կ՛ըսէ Փութին

Ռուսիոյ նախագահ Վլատիմիր Փութին Ղազախստանի մայրաքաղաք Ասթանայի մէջ յայտնեց, որ «Եգիպտոս քաղաքացիական պատերազմի մէջ ներքաշուելու վտանգը կը դիմագրաւէ»: Ղազախստանի նախագահ Նուրսուլթան Նազարպայեւ իր կարգին յայտնեց, որ ինք «Եգիպտոսի զարգացումներուն մտահոգութեամբ» կը հետեւի:
Ան ըսաւ, որ «Եգիպտոսի եւ Սուրիոյ մէջ դէպքերու բնոյթին նայեցէք. մենք անոնց ամբողջովին կապուած ենք: Այդ հարցերը բոլորիս վրայ կ՛ազդեն»:
Փութին ըսաւ, որ «Սուրիա քաղաքացիական պատերազմի դաշտ է, եւ որքան ալ ցաւալի թուի, ապա Եգիպտոս նոյն ուղղութեամբ կ՛ուղղուի»: Ան յոյս յայտնեց, որ «եգիպտացի ժողովուրդը այդ հաւանական ժխտական զարգացումէն կը խուսափի»: