Мінск: папскі пасланнік завяршыў свой візіт у Беларусь
Папскі легат, кардынал
Жан-Луі Таран, завяршыў свой візіт у Беларусь. Напрыканцы падарожжа, якое ён здейсніў
у гонар 400-годдзя прыбыцця іконы Маці Божай у Будслаў, ватыканскі іерарх узначаліў
св. Імшу ў мінскім архікатэдральным касцёле. На пачатку Эўхарыстыі да высокага госця
звярнуўся арцыбіскуп Тадэвуш Кандрусевіч, Мітрапаліт Мінска-Магілёўскі і падзякаваў
кардыналу за яго візіт. Іерарх коратка распавёў гісторію мінскай архікатэдры, адзначыўшы,
што доўгія гады ў савецікя часы храм быў спартыўнай залай. Кардынал у сваю чаргу адказаў,
што вельмі рады быць сярод беларусаў і прадстаўляць папу Францішка. Іерарх прапанаваў
у цішыні ўзгадаць усіх тых, дзякуючы каму цяпер людзі могуць маліцца ў гэтай святыні.
Папскі пасланнік адзначыў, што ніколі не было часоў, калі б хрысціян не пераследавалі.
Але Езус ва ўсе часы патрабуе ад нас жыць у адпаведнасці з пасланнем, якое абвяшчаем.
Не магчыма быць хрысціянамі і весці падвойнае жыццё. Езус заклікае кожнага да свабоды
і таму мы не павінны прывабліваць кагосьці для навяртання ў сваю веру з дапамогай
багацця, прэстыжу або празелітызму. Каталіцкі Касцёл ніколі не навязваў Евангелля
сілай, але заўсёды імкнуўся пераканаць чалавека ў яго праўдзівасці і неабходнасці,
нагадаў ватыканскі іерарх.
Кардынал Жан-Луі Таран адзначыў, што Беларусь перажыла
часы, калі Бога хацелі назаўжды выкінуць з жыцця. Але гэта не ўдалося, таму што Бог
заўсёды сярод нас.