Յովհաննէս Պօղոս Բ Եւ Յովհաննէս ԻԳ Քահանայապետները Սուրբերու Շարքին
Ուրբաթ 5 Յուլիսի առաւօտեան ֆրանչիսկոս Սրբազան Քահանայապետը ընդունելով Կարտինալ Անճէլօ
Ամաթօն` Սուրբերու դատի ժողովի կառավարիչը վաւերացուց վերոյիշեալ ժողովի կողմէ հրատարակուած
սուրբերու եւ երանելիներու հայող հրամանագիրը։ Սուրբերու շարքին նշուած են նաեւ
Երանելի Յովհաննէս Պօղոս Բ Քահանայապետն (1978 - 2005) ու Յովհաննէս ԻԳ քահանայապետը(1958
- 1963) ։
Արդարեւ վերջերս սուրբերու դատի աստուածաբաններու գրասենեակը վաւերացուցած
էր Երանելի Յովհաննէս Պօղոս Բ Քահանայապետին կատարած մէկ հրաշքը` Գոսդա Ռիգայի մէջ մէկ
կնոջ հրաշալի բուժումը 1 մայիս 2011-ին - Յովհաննէս Պօղոս Բ-ի երանացումի նոյն օրը։
Մինչ Յովհաննէս ԻԳ սրբադասումը կը կատարուի ֆրանչիսկոս Սրբազան Քահանայապետի կամքով
առանց հրաշքի մը վաւերացումին - ինչպէս յայտարարեց Հայր ֆետերիքօ Լոմպարտին մամուլին
հետ ունեցած իր ելոյթով։ Այս առընչութեամբ Քահանայապետը որոշած գումարել կարտինալական
ժողով մը որուն ընթացքին պիտի որոշուի երկու քահանայապետներու սրբադասման արարողութեան
թուականը որ հաւանական է - ըսաւ միշտ հայր Լոմպարտի - որ տեղի ունենայ այս տարուայ վերջաւորութեան։
Յայտնենք որ Յովհաննէս Պօղոս Բ Սրբազան Քահանայապետը երաներլի հռչակուած էր իրեն
յոջորդ` Պենետիկտոս ԺԶ քահանայապետի կողմէ 2011-ի մայիս մէկին, մինչ Յովհաննէս ԻԳ-ի երանացումը
տեղի ունեցած էր 2000-ին Յոբելինական տարւոյն ընթացքին։