Կարտինալ ֆրանսուա Գզավիէ Նկույէն Վան Դուանի Երանացման Դատի Փակումը։

Ուրբաթ 5 յուլիսին հռոմի տեղապահ արքեպիսկոպոս` Կարտինալ Ակոսդինօ Վալլինին, Հռոմի Լատերանեան պալատին մէջ, առաւօտեան ժամը 11,30-ին, կը նախագահէ Կարտինալ ֆրանսուա Գզավիէ Նկույէն Վան Դուանի Երանացման դատի փակման հանդիսութիւնը, որ սկիզբ առած էր 2 հոկտեմբեր 2010-ին։
Վիէթնամցի` Աստուծոյ ծառայ Կարտինալ ֆրանսուա Գզավիէ Նկույէն Վան Դուայ եղած է Արդարութիւն եւ խաղաղութիւն քահանայապետական խորհուրդի երբեմնի նախագահ։ Ան 1975-ին իր եպիսկոպոսական անուանումէն մի քանի ամիսներ ետք, իր հաւատքի պատճառաւ, բանտարկուեցաւ Սայկոնսի բանտերուն մէջ ուր մնաց 13 տարիներ ամբողջ որոցմէ 9-ն ''մեկուսուցումի'' մէջ։
Իր բանտարկութեան տարիներուն իրեն ձեռքը անցած թուղթերու վրայ շարադրած է խորհրդածութիւններ կիսելով հոգեւոր փորձառութիւններ որոնք յետագայ ամփոփուեցան ''յոյսի ճանապարհի վրայ'' խորագրով գիրքի մը մէջ։ 1988-ի 21 նոյեմբերին ազատ արձակուելէն ետք Կարտինալ Վան Դուան շրջան մը կը մնայ Հանոյի առաջնորդարանի մէջ եւ 1991-ին հրաման կ՛ունենայ թողելու երկիրը եւ կը ժամանէ Հռոմ ուր կ՛իմանայ թէ Վիէթնամի կառավարութիւնը արգիլած է իր երկիր վերադարձը։
1994-ին ՅՊԲ երջանկայիշատակ քահանայապետը զինք խաղաղութիւն եւ արդարութիւն քահանայապետական խորհուրդի ենթաքարտուղար կը նշանակէ եւ 1998-ին կը դառնայ վերոյիշեալ խորհուրդի նախագահ։
2001-ին միշտ ՅՊԲ Սրբազան Քահանայապետի օրով ան կը ստանայ կարտինալական տիտղոսը իսկ 16 սեպտեմբեր 2002-ին քաղցկեղի հիւանդութեան պատճառաւ, 74 տարեկանին, կը կնքէ իր մահկանացուն։