“Lumen fidei”, першая энцыкліка папы Францішка - гатова
5 ліпеня будзе абнародавана
“Lumen fidei”, першая энцыкліка Папы Францішка. Яе Пантыфік стварыў у супрацоўніцтве
з папам на пенсіі Бэнэдыктам XVI, які напрацаваў матэрыял на тэму веры. У Залі друку
Апостальскай Cталіцы пройдзе прэзентацыя навучання аб святле веры, якую правядуць
кардынал Марк Уэлле, прэфект Кангрэгацыі па справах Біскупаў, арцыбіскупы Герхард
Людвіг Мюлер, прэфект Кангрэгацыі Веравучэння, і Рына Фізікела, старшыня Папскай
рады па новай евангелізацыі. Сам Францішак распавёў нядаўна падчас візітаў “Ad
Limina” італьянскіх біскупаў і ў ходзе сустрэч з членамі Сакратарыята Сінода біскупаў
наступнае: “Цяпер я павінен выйсці з энцыклікай, створанай “у чатыры рукі”, як кажуць.
Папа Бэнэдыкт ўручыў яе мне, гэта – моцны дакумент. Хаця скажу, што я атрымаў гэта
на вялікую дапрацоўку: ён пачаў, і я павёў наперад”,- расказаў тады Папа. Прысутныя
на прэс-канферэнцыі журналісты змогуць здабыць свежавыдадзены экзэмпляр энцыклікі,
якая была завершана Папам усяго за 4 месяцы. Алена Мартэцкая