Рыа гатовы да сустрэчы маладых вернікаў са 170 краін
Аргкамітэт Сусветных
Дзён моладзі 2013, якія хутка пачнуцца ў Рыа-дэ-Жанейра, паведаміў аб гатоўнасці сіл
па забеспячэнні парадку. План бяспекі падчас сусветнага форуму маладосці распрацаваны
ў сціслым супрацоўніцтве з уладамі Бразіліі. Для забеспячэння непарушнасці свята веры,
архідыяцэзія бразільскага гораду, дзе пройдзе свята маладосці, стварыла дадаткова,
таксама з дапамогай сілавікоў-прафесіяналаў, Цэнтр маніторынгу. У яго ўвайшлі таксама
пункты кантролю сацыяльных сетак. У Рыа-дэ-Жанейра ўсталяваны тэлекамеры. Каманда
з 40 чалавек будзе працаваць на сачэнні круглыя суткі. Як гаворыцца ў паведамленні
Аргкамітэта СДМ, акрамя месцаў катэхізацыі на 7 афіцыйных мовах, якія могуць наведаць
усе, у тым ліку і моладзь з абмежаванымі магчымасцямі,для якой усталяваны неабходныя
зручнасці, у 273 парафіях будзе забяспечвацца пераклад на 20 моў. Выказваецца
ўпэўненасць, што свята маладосці стане “сапраўднай Пяцідзесятніцай” для юнакоў і дзяўчат,
якія прыбудуць са 170 краін.