Польшча “бачыць добрыя шанцы” на правядзенне наступных Сусветных дзён моладзі
Каталіцкі Касцёл у
Польшчы бачыць добрыя шанцы на правядзенне наступных Сусветных дзён моладзі ў Кракаве.
“Наша запрашэнне знаходзіцца ў фаварытах папы Францішка”, - сказаў кіраўнік нацыянальнага
бюро Сусветных дзён моладзі, кс. Гжэгаж Сухадольскі, польскаму агенцтву “KAI”. Польшча
з’яўляецца “вельмі моцным кандыдатам”. Святар адзначыў, што гэта было сумеснае запрашэнне
біскупскай канферэнцыі і ўрада краіны.
У апошні дзень Сусветных дзён моладзі
ў Рыа-дэ-Жанейра, 28 ліпеня, будзе абвешчана дзе і калі пройдзе наступная сустрэча.
Уступна яна запланавана на 2015 г. ці 2016 г. Побач з Кракавам сваю заяўку на правядзенне
сусветнага моладзевага форуму ў Латвіі накіраваў у Апостальскую Сталіцу арцыбіскуп
Рыжскі Збігнеў Станкевіч.
У Польшчы ўжо аднойчы праходзілі Сусветныя дні моладзі:
у 1991 г. у чэнстахоўскім санктуарыі. У Кракаве, другім па велічыні горадзе краіны,
перад сваім абраннем на Пасад св. Пятра выконваў служэнне Ян Павел II, дзе на працягу
чатырнаццаці апошніх гадоў быў арцыбіскупам. Менавіта ён у 1984 г. выступіў з ініцыятывай
першай міжнароднай сустрэчы моладзі.
Паводле кардынала Станіслава Дзівіша,
арцыбіскупа Кракаўскага, паўднёвы польскі горад павінен быць гаспадаром сусветнага
форуму на той падставе, што ён у некаторым родзе быў “вынайдзены” тут, таму, на думку
іерарха, які быў асабістым сакратаром Яна Паўла ІІ, “было б нядрэнна, калі б дні моладзі
вярнуліся ў Польшчу”.