Пантыфік: служыць Касцёлу і братам не просячы нічога ўзамен
Пантыфік сустрэўся
23 чэрвеня з членамі Асацыяцыі святых Пятра і Паўла, якая складаецца з католікаў,
прафесіяналаў у розных галінах, якія пражываюць у Рыме і апроч абавязацельстваў у
сям’і і на працы, прысвячаюць свой час на арганізацыю валантарыяту для служэння
Апостальскай Сталіцы. Францішак падзякаваў ім за вялікую працу ў культурнай і дабрачыннай
сферах, а таксама за моладзевыя адукацыйныя праекты.
Святы Айцец адзначыў важнасць
існавання асацыяцый, якія ўключаюць у сябе людзей розных узростаў, аб’яднаных агульным
жаданнем даваць асаблівае сведчанне хрысціянскага жыцця, служачы Касцёлу і братам
і не просячы нічога ўзамен. Менавіта такі прыклад, нагадаў Папа, даў кожнаму хрысціяніну
Хрыстус, служыць не чакаючы ўзнагароды. На гэтым палягае цудоўная хрысціянская цнота,
якая завецца велікадушнасцю, адзначыў Пантыфік. З ёй хрысціянскае сведчанне становіцца
пераканаўчым і эфектыўным, дадаў ён.
15 верасня 1970 г. папа Павел VI расфарміраваў
Пантыфікальныя ўзброеныя сілы, сярод якіх была і Ганаровая палатынская гвардыя, заснаваная
Піем IX у 1850 г. Члены расфарміраваных ваенных частак былі пакліканы ўступіць у новую
арганізацыю – Асацыяцыю святых Пятра і Паўла, статут якой быў зацверджаны тым жа Паўлам
VI у 1971 г.