Ֆրանչիսկոս Սրբազան Քահանայապետի Գործունէութիւնը:

Շաբաթ 22 յունիս 2013-ի առաւօտեան ժամը 7-ին ֆրանչիսկոս Սրբազան Քահանայապետը, ինչպէս ամէն առաւօտ, Տոմուս Սանդա Մարդայի մատրան մէջ մատոյց սուրբ պատարագի զոհը որուն ընթացքին արտասանած քարոզին մէջ խորհրդածութիւն մը կատարեց օրուան սուրբ գրային ընթերցումներու մասին որ ''երկու տէրերու'' ծառայութեան մասին կը խօսին։ ''Աշխարհի մտահոգութիւններն ու հարստութիւններն են որ կը խեղդեն ''Աստուծոյ Խօսքը'' - մատնանշեց Սրբազան Հայրը։
Ան ապա առաւօտեան ժամը 11-ին իր գրասենաեկի մէջ ընդունեց Մալդայի Ասպետական ինքնիշխան կարգի Իշխանապետ Եղբայր Մաթիու ֆէսդինկ ու անոր ընկերացող պատուիրակութիւնը։ Ժամը 11,30-ին Նորին Սրբութիւնը ընդունեց Արժէնթինի մօտ խրուաթիոյ երբեմնի դեսպան` Տիկ Րոզանտիչ Սարիչը ու ապա Յիսուսեան Միաբանութեան Գրիգորեան համալասրանի Րէկտորը Հայր ֆրանսուա Քզավիէ Տիւմօրդիէն.
Ժամը 12-ին, ֆրանչիսկոս Սրբազան Քահանայապետը Սուրբ Պետրոսի Պազիլիքայի մէջ ունկնդրութիւն շնորհեց Պրէշիայի Թեմէն հռոմ ժամանած 5000 ուխտաւորներուն որ Հռոմ կը գտնուին երջանկայիշատակ Պօղոս Զ -ի Քահանայապետ ընտրուելուն 50րդ տարեդարձին առթիւ (21 յունիս 1963), եւ որ Սրբազան Քահանայապետի հետ հանդիպումէն առաջ Սուրբ Պետրոսի Տաճարին մէջ մասնակցեցան Սուրբ Պատարագի Զոհին զոր մատոյց Պրէշիայի Եպիսկոպոս` գերապայծառ Լուչիանօ Մոնարի, Կարտինալ Ճովաննի Պադդիսդա Րէ-ի ներկայութեամբ։
Սրբազան Քահանայապետը հուսկ յետմիջօրէի ժամը 17,30-ին Պօղոս Զ անուան սրահին մէջ մասնակցեցաւ Հաւատոյ Տարուայ Առթիւ` Նոր Աւետարանութեան Քահանայապետական խորհուրդի կողմէ կազմակերպուած դասական երաժշտութեան համերգին, որուն մասնակցեցան նաեւ աշխարհի բոլոր վայրերէն Հռոմ ժամանած առաքելական նուիրակներն ու Սուրբ Աթոռի ներկայացուցիչները։