Ватыканскі фонд нагадае аб тэалагічным укладзе Бэнэдыкта XVI
Вялікім сімпозіумам
Апостальская Сталіца жадае падтрымаць даследаванні, прысвечаныя асобе Езуса. 24-26
кастрычнік навукоўцы з універсітэтаў усяго свету і прадстаўнікі розных хрысціянскіх
канфесій збяруцца ў Папскім латэранскім універсітэце. Удзельнікі засяродзяцца над
тэалагічным укладам Папы на пенсіі Бэнэдыкта XVI у постаці трохтомнай працы, прысвечанай
асобе Езуса з Назарэту. Галоўным арганізатарам сімпозіума выступіў “Ватыканскі фонд
Ёзэфа Ратцынгера – Бэнэдыкта XVI”. Дзяцінства Езуса, падзеі Апошняй Вячэры і Пасхальная
таямніца будуць у цэнтры прэзентацый і дыскусій. Падчас трохдзённай сустрэчы даследчыкі
засяродзяцца таксама над гістарычным кантэкстам дзейнасці Езуса.
Ці Пантыфік
на пенсіі звернецца да ўдзельнікаў форуму з відэазваротам, арганізатарам пакуль невядома.
16-21 верасня ватыканскі фонд плануе правесці сімпозіум, прысвечаны асобе
Езуса, для тэолагаў і студэнтаў у заходнеафрыканскім Беніне. Таксама і гэта сустрэча
ў горадзе Катану на тэму: “Душпастырскі і асветніцкі ўнёсак трылогіі аб Езусе”, будзе
прысвечана тэалогіі Бэнэдыкта XVI.