Պօղոս Զ Քահանայապետի Սուրբ Պետրոսի Յաջորդ Ընտրուելուն 50-րդ Տարեդարձը։
21 յունիս 1963-ին Սուրբ Պետրոսի 262րդ յաջորդ կ՛ընտրուէր Ճովաննի Պադդիսդա Մոնդինի Կարտինալը
որ կը յաջորդէր երջանկայիշատակ Յովհաննէս ԻԳ-ի Քահանայապետին ու որպէս Քահանայապետական
անուն կ՛ընտրէր Պօղոս Զ անունը։
Ան ծնած էր Պրէշիա` 26 սեպտեմներ 1897-ին։ Քահանայապետութեան
առաջին գործը եղաւ աւարտել Վատիկանեան Տիեզերական Բ Ժողովի գործընթացը։ Եղաւ մեծ բարեկարգիչ
ու բարենորոգող եկեղեցական կեանքին ու կառոյցին։ 11 ապրիլ 1964-ին հաստատեց` Ըկերային
Հաղորդամիջոցներու Քահանայապետական խորհուդը. 19 մայիս 1964-ին ստեղծեց ոչ քրիստոնեաներու
քարտուղարութիւնը ու ապա 1965-ի դեկտեմբեր 7-ին ոչ հաւատացեալնփերու քարտուղարութիւնը։
Նիշտ 1965-ի սեպտեմբերին հաստատեց Եպիսկոպոսական Սիւնհոդոսը ապա ստեղծեց Աշխարհականներու
քահանայապետական խորհուրդը, Արդարութիւն եւ Խաղաղութիւն քահանայապետական յանձնաժողովը,
Սուրբ Աթոռի տնտեսական հարցերու կուսակալութիւնը, Քահանայապետական Տան Հոգաբարձութիւնը
եւ Եկեղեցւոյ կեդրոնական վիճակագրութեան գրասենեակը։ 1967-ին հաստատեց Խաղաղութեան
միջազգային օրը։ Ապա1969-ին Աստուծաբանական միջազգային յանձնաժողովը։ 1970-ին ստորագրեց
Քահանայապետական Ծիսական Գրասնեակի նոր կանոնագիրքը։ Ջնջեց քահանայապետական զինեալ մարմինները
բացի Զուիցերական Պահակագունդէն։ Հաստատեց Գոր Ունում քահանայապտական բարեսիրական խորհուդը
1971-ին, ապա 1972-ին հիմնեց Արեւելեան Եկեղեցիներու Կանոնագրութեան վերատեսութեան քահանայապետական
յանձնախումբը։ Պօղոս Զ-րդ հանդիսացաւ առաջին քահանայապետը որ միջազգային ճամբորդութիւններ
կատարեց` անոնցմէ նշենք Սուրբ Երկիր ճամբորդութիւնը 4 - 6 յունուար 1964 եւ Նիւ Եորք
4 - 5 հոկտեմբեր 1965։ Իր առաքելական նամակներէն յիշենք ''Populorum progressio'' ն հրատարկաուած
26 մարտ 1967-ին, ժողովուրդներու զարգացումի մասին եւ ''Humanae vitae'' շրջաբերական
նամակը հրատարակուած 25 յուլիս 1968-ին, ամուսնութեան եւ ծննդաբերութեան մասին։ Պօղոս
Զ երջանկայիշատակ Քահանայապետը իր մահկանացուն կնքեց 6 օգոստոս 1978-ին Գասդելկանտոլֆոյի
ամարանոցին մէջ։ 20 դեկտեմբեր 2012-ին Պենետիկտոս ԺԶ ճանչցաւ անոր ''հեռոսական առաքինութիւնները''
եւ զայն բարձրացուց ''Խորաններու Պատւոյն''։